Беларуская мытня абмеркавала з калегамі з Літвы сумесныя дзеянні ў навагодні перыяд

Фота: belta.by

Беларуская мытня абмеркавала з калегамі з Літвы сумесныя дзеянні ў навагодні перыяд. Плануецца забяспечыць бесперапынны паток транспарту, паменшыць чэргі і павысіць прапускную здольнасць. Рабочая сустрэча праходзіла ў пункце пропуску "Каменны Лог". Перад святамі папулярнасць гэтага кірунку ўзрастае. Адзначым, за 11 месяцаў года праз беларуска-літоўскую мяжу праехалі каля двух мільёнаў транспартных сродкаў. Акрамя таго, сёлета мытнымі службамі дзвюх краін рэалізаваны праект па развіцці інстытуцыянальнага патэнцыялу мытнай службы Беларусі. Падчас перамоў таксама абмяркоўвалі важныя пытанні, звязаныя з падрыхтоўкай да правядзення ў Беларусі II Еўрапейскіх гульняў.