Інвестыцыі ў стварэнне мэблевай вытворчасці ў Івацэвічах складуць 20 млн еўра

Інвестыцыі ў стварэнне мэблевай вытворчасці ў Івацэвічах складуць 20 млн еўра. Дакумент падпісалі канцэрн "Беллеспаперапрам" і нямецкая кампанія. Першую прадукцыю - мяккую мэблю - намечана выпусціць ужо ў верасні гэтага года. На фабрыцы будуць працаваць беларускія спецыялісты, якія прайшлі спецыяльнае навучанне ў Польшчы. Паралельна інвестар плануе ажыццяўляць у Івацэвічах будаўніцтва ўласнай фабрыкі. Агульны аб'ём інвестыцый ацэньваецца ў 20 млн еўра. Прадукцыю плануецца пастаўляць на еўрапейскі рынак.