Актывізацыя гандлю адзначаецца паміж Беларуссю і Пакістанам.

        Як паведамілі БЕЛТА ў пасольстве нашай краіны ў Пакістане, у студзені-верасні тавараабарот склаў 38 з паловай мільёнаў долараў. Выраслі пастаўкі беларускіх трактароў і запчастак да іх, беларускіх шын і прадуктаў харчавання. Таксама істотна павялічыўся аб'ём экспарту газетнай паперы.
         Бакам удалося ў беспрэцэдэнтна кароткі тэрмін устанавіць сістэмныя адносіны ў гандлёва-эканамічнай сферы, наладзіць сустрэчы на высокім узроўні. Сёлета ў кастрычніку Прэзідэнт Аляксандр Лукашэнка наведаў Пакістан з другім афіцыйным візітам.