Завяршаецца візіт намесніка старшыні Савета Рэспублікі Нацыянальнага сходу Беларусі, старшыні Беларускага саюза жанчын Марыяны Шчоткінай у Швейцарыю. Яна прыянла ўдзел у 65-й сесіі Камітэта ААН па ліквідацыі дыскрымінацыі ў адносінах да жанчын у Жэневе. Мар'яна Шчоткіна прадставіла чарговы перыядычны даклад Беларусі аб выкананні палажэнняў Канвенцыі аб ліквідацыі ўсіх форм дыскрымінацыі ў адносінах да жанчын. Акрамя таго, віцэ-спікер прыняла ўдзел у агульнай дыскусіі па тэме "Парушэнні правоў чалавека як папярэднікі канфліктаў: меры ў адказ парламентаў", якая адбылася ў рамках Асамблеі Міжпарламенцкага саюза.