Скаўты з шатландскага горада-пабраціма Абердзіна пройдуць лінгвістычную стажыроўку ў школах і гімназіях Гомеля.

          Пра гэта да пачатку сустрэчы з кіраўніцтвам Гомельскага гарвыканкама паведаміў кіраўнік шатландскай дэлегацыі Чарльз Лоў. Ён адзначыў, што падчас свайго візіту, які будзе доўжыцца па 12 кастрычніка, скаўты наведаюць чатыры гомельскія гімназіі, дзе пройдуць лінгвістычную стажыроўку. Таксама госці пазнаёмяцца з працай гэтых устаноў адукацыі, педагогамі і навучэнцамі. Прымуць удзел у культурна-забаўляльных мерапрыемствах. Акрамя таго, скаўты наведаюць Гомельскі гарадскі сацыяльна-педагагічны цэнтр і Гомельскую абласную асацыяцыю дзяцей і моладзі.