фота: www.belarus.by
Пра гэта ў Пекіне на сустрэчы з Прэзідэнтам Беларусі Аляксандрам Лукашэнкам заявіў Старшыня Кітайскай Народнай Рэспублікі Сі Цзіньпін. Ён таксама адзначыў, што бакі ажыццяўляюць эфектыўнае ўзаемадзеянне і каардынацыю падыходаў па пытаннях міжнароднай і рэгіянальнай палітыкі. Сі Цзіньпін таксама адзначыў асабісты ўклад Прэзідэнта Беларусі ў развіццё двухбаковага супрацоўніцтва.
У Пекіне таксама знаходзіцца прадстаўнічая беларуская дэлегацыя. Член Палітбюро ЦК Кампартыі Кітая, старшыня Кітайска-беларускага міжурадавага камітэта па супрацоўніцтве Мэн Цзяньчжу на перамовах з намеснікам кіраўніка Адміністрацыі Прэзідэнта Беларусі Мікалаем Снапковым адзначыў: візіт Аляксандра Лукашэнкі гэта важная падзея ў кітайска-беларускіх адносінах. У Пекіне ўпэўнены: ён надасць новы імпульс развіццю стасункаў.
Дзяржаўны візіт Прэзідэнта ў Кітай адзначыцца пераходам ад крэдытна-інвестыцыйнага супрацоўніцтва да прамых інвестыцый, у сваю чаргу, заявіў намеснік кіраўніка Адміністрацыі Прэзідэнта Беларусі Мікалай Снапкоў.