Беларусь і Чылі маюць намер развіваць дагаворна-прававую базу супрацоўніцтва

Намеснік міністра замежных спраў Беларусі Яўген Шэстакоў сустрэўся сёння з чылійскай дэлегацыяй на чале з генеральным дырэктарам галоўнага ўпраўлення міжнародных эканамічных сувязей Міністэрства замежных спраў Чылі, намеснікам міністра гандлю Андрэсам Рэбальеда, паведамілі ў прэс-службе знешнепалітычнага ведамства.

"Бакі абмеркавалі перспектывы развіцця беларуска-чылійскіх адносін. Асноўная ўвага была ўдзелена пытанням гандлёва-эканамічнага ўзаемадзеяння і развіцця дагаворна-прававой базы двухбаковага супрацоўніцтва", - праінфармавалі ў прэс-службе.