Вядучыя трансплантолагі з Еўропы і краін СНД назіралі анлайн за працай беларускіх хірургаў.

        Яны праводзілі адразу тры складаныя аперацыі. У рэжыме рэальнага часу ў канферэнц-зале РНПЦ трансплантацыі органаў і тканак Беларусі паказалі ўсе самыя важныя моманты і агучылі каментарыі хірургаў. Незвычайная канферэнцыя адбылася напярэдадні адкрыцця міжнароднага кангрэса гепаталогіі. Варта адзначыць, што форум праходзіць штогод на працягу апошніх 20 гадоў. Але ўпершыню пляцоўкай стала наша краіна. Беларускія медыкі раскажуць пра свае дасягненні замежным калегам.