Беларуская гандлёва-прамысловая палата стала паўнапраўным членам Міжнароднай гандлёвай палаты Шаўковага шляху.

         Мемарандум аб супрацоўніцтве падпісалі ў ходзе візіту старшыні БелГПП Уладзіміра Улаховіча ў кітайскі Сіань. Ён прыняў удзел у саміце бізнес-лідараў Шаўковага шляху і Сіаньскім саміце Міжнароднай гандлёвай палаты Шаўковага шляху, правёў перамовы з віцэ-прэзідэнтам Усекітайскага камітэта па садзейнічанні міжнароднаму гандлю. У самітах ў Сіані прынялі ўдзел прадстаўнікі 52 гандлёва-прамысловых палат і больш за 500 бізнесменаў, прадстаўнікоў дзяржаўных органаў і дыпламатаў з усяго свету.