Беларусь прадоўжыць перамоўны працэс па ўступленні ў Сусветную гандлёвую арганізацыю

         Беларусь прадоўжыць перамоўны працэс па ўступленні ў Сусветную гандлёвую арганізацыю, паведамілі ў Міністэрстве замежных спраў. Кантакты будуць нацэлены на фарміраванне і ўзгадненне збалансаваных і максімальна спрыяльных для Беларусі ўмоў членства ў СГА. Работа ў гэтым напрамку будзе праводзіцца ў тым ліку ў адпаведнасці з Нацыянальнай праграмай падтрымкі і развіцця экспарту на 2016-20 гады. Як паведамлялася, праграма накіравана на дасягненне росту, развіццё і дыверсіфікацыю нацыянальнага экспарту, у першую чаргу, інавацыйнага і высокатэхналагічнага. Прадугледжана таксама пашырэнне гандлёва-эканамічных сувязей Беларусі з рознымі краінамі, рэгіянальнымі аб'яднаннямі і міжнароднымі эканамічнымі арганізацыямі, у тым ліку з СГА.