Песні Акуджавы, творы еўрапейскіх класічных паэтаў у суправаджэнні аргана прагучаць у Гродзенскай кірсе падчас другога Міжнароднага фестывалю арганнай і камернай музыкі з 13 па 23 ліпеня.

         Упершыню правялі фестываль у мінулым годзе: тады гледачу прапанавалі незвычайны сінтэз арганнай музыкі і танца, цяпер вырашылі спалучыць гукі аргана і паэзію. У дні фестывалю пройдзе серыя канцэртаў "Пяць вечароў, пяць праграм": разам з арганам будзе гучаць альт і труба, творы класічных паэтаў. З канцэртамі выступяць беларускі ўдзельнік Валерый Шмат, нямецкі арганіст Маціяс Белерт, музыкант Клаўдыа Тваржык з Польшчы, расіянка Марыя Макаранка і іншыя.