Прэзідэнт Беларусі Аляксандр Лукашэнка адзначае пазітыўныя тэндэнцыі ў гандлёва-эканамічных адносінах Беларусі і Кубы.

фота: www.president.gov.by

      Пра гэта ішла размова на сустрэчы кіраўніка беларускай дзяржавы з першым намеснікам старшыні Дзяржсавета і Савета Міністраў Кубы Мігелем Марыо Дыяс-Канэлем Бермудасам. Прэзідэнт звярнуў увагу: апошнім часам намеціліся добрыя тэндэнцыі да павелічэння тавараабароту паміж краінамі і ў гандлёва-эканамічным супрацоўніцтве ў цэлым. Аляксандр Лукашэнка выказаў надзею, што візіт у Беларусь высокапастаўленага кубінскага госця надасць яшчэ большую дынаміку двухбаковым адносінам. Прэзідэнт аднавіў сваё запрашэнне старшыні Дзяржсавета і Савета Міністраў Кубы Раулю Кастра наведаць Беларусь.