Беларусь і Расія маюць намер выкарыстоўваць усе магчымасці для аднаўлення дакрызісных аб'ёмаў гандлёва-эканамічнага супрацоўніцтва.

        Гэта прэм'ер-міністры дзвюх краін заявілі па выніках пасяджэння Саўміна Саюзнай дзяржавы. На парадку дня было амаль тры дзесяткі пытанняў. Важнейшыя тычацца гандлёва-эканамічнага супрацоўніцтва. Да гэтага часу ў Саюзнай дзяржаве ёсць пытанні, якія патрабуюць аператыўнага рашэння. У прыватнасці, не заўсёды выконваюцца роўныя ўмовы для вытворцаў. Для выраўноўвання гандлёва-эканамічных паказчыкаў прэм'еры дамовіліся ўключаць усе рэзервовыя рычагі - падтрымліваць прамысловую вытворчасць, інвестыцыйнае і інавацыйнае супрацоўніцтва, развіццё сельскай гаспадаркі, а ў прамысловай кааперацыі больш актыўна задзейнічаць малы і сярэдні бізнес.