12 мая ў Магілёве адбудзецца пасяджэнне Савета міністраў Саюзнай дзяржавы Расіі і Беларусі.

          Плануецца, што ў ім прыме ўдзел прэм'ер Расіі Дзмітрый Мядзведзеў. Як адзначаецца ў паведамленні прэс-службы расійскага кіраўніцтва, "запланаваны перамовы з прэм'ер-міністрам Рэспублікі Беларусь Андрэем Кабяковым, на якіх будуць разгледжаны актуальныя пытанні двухбаковага супрацоўніцтва ў гандлёва-эканамічнай, інвестыцыйнай, прамысловай, энергетычнай, культурна-гуманітарнай і іншых галінах".