Беларусь спадзяецца вывесці прамысловасць з рэцэсіі да канца года.

         Такое заяўленне зрабіў намеснік прэм'ер-міністра краіны Уладзімір Сямашка на Беларускім прамысловым форуме ў Мінску. Віцэ-прэм'ер канстатаваў, што падзенне ў прамысловасці па выніках першага квартала склала 4%. Пры гэтым ён падкрэсліў, што ў 2016-м ад месяца да месяца назіраецца прырост прамвытворчасці. Паводле даных Белстата, аб'ём вытворчасці прамысловай прадукцыі ў рэспубліцы ў студзені-сакавіку склаў Br189 трлн.