Беларусь і Літва разглядаюць магчымасць адкрыцця рэгулярнага пасажырскага руху па Нёмане.

           Па выніках трэцяга пасяджэння літоўска-беларускай рабочай групы па ўзаемадзеянні ў транзітна-транспартнай сферы, якое адбылося ў Вільнюсе, прыняты рашэнні, што адказваюць інтарэсам нашай краіны. Бакі дамовіліся працягнуць сумесную працу па прыцягненні дадатковых аб’ёмаў грузаў і пашырэнні геаграфіі перавозак камбінаваным транспартам “Вікінг”,  па захаванні і нарошчванні аб’ёмаў перавозак праз Клайпедскі марскі порт, бесперашкодным выкананні міжнародных аўтамабільных перавозак.