Славацкія бізнесмены пабудуюць у Брэсцкай вобласці дрэваапрацоўчае прадпрыемства.

         Такую заяву зрабіў старшыня аблвыканкама Анатоль Ліс падчас Міжнароднага форуму дзелавых кантактаў "Брэст-2016". Паводле яго слоў, ёсць дамоўленасці і па іншых праектах. Прайшлі перамовы са шведскімі інвестарамі па пытаннях капіталаўкладанні ў тры прадпрыемствы Брэсцкай вобласці, перш за ўсё будаўнічага комплексу. Польскія інвестары выказалі зацікаўленасць у набыцці вытворчай пляцоўкі ў Жабінкаўскім раёне. Там плануецца стварыць і развіць буйны лагістычны цэнтр.

У мерапрыемствах форуму ў Брэсце ўдзельнічаюць прадстаўнікі больш за 30 краін.