Саміт кіраўнікоў урадаў Еўразійскага эканамічнага саюза 13 красавіка праходзіць у Маскве.

        У цэнтры ўвагі - стан і перспектывы далейшага развіцця ЕАЭС: пытанні гандлю, фінансавай палітыкі, прамысловасці, тэхнічнага рэгулявання. У цэлым сярод прыярытэтных напрамкаў развіцця еўразійскай інтэграцыі - свабоднае перамяшчэнне тавараў, паслуг, капіталу і працоўнай сілы. Нагадаю, дагавор аб стварэнні Еўразійскага эканамічнага саюза падпісаны ў маі 2014-га ў Астане. Першай у ЕАЭС старшынствавала Беларусь. Сёлета эстафету прыняў Казахстан.