Беларусь уваходзіць у топ-5 самых перспектыўных турыстычных напрамкаў СНД.

          Такія даныя прыводзіць анлайн-сэрвіс Travel.ru. Краіны СНД прывабныя для расійскіх турыстаў невысокімі цэнамі на адпачынак, развітой інфраструктурай, бязвізавым уездам і тым, што многія мясцовыя жыхары гавораць на рускай мове. У Беларусі, якую за мінулы год наведалі больш за 300 тыс. турыстаў, папулярнасцю карыстаецца сталіца Мінск, гарады Віцебск, Гомель, Гродна, Брэст, гарналыжны курорт Лагойск і адпачынак на возеры Нарач.