Аляксандр Лукашэнка і Майкл Карпентэp
фота: www.president.gov.by
Збалансаваць сітуацыю ва Украіне без ЗША немагчыма. Такое меркаванне выказаў Прэзідэнт Беларусі Аляксандр Лукашэнка на сустрэчы з намеснікам памочніка міністра абароны ЗША Майклам Карпентэрам. Кіраўнік дзяржавы адзначыў, што выклікі, якія ўзнікаюць ва Усходняй Еўропе, “калі не сёння, то заўтра здольныя сур’ёзна паўплываць на сітуацыю ў Еўропе ў цэлым”. Аляксандр Лукашэнка нагадаў, што не аднойчы заяўляў пра гэта публічна яшчэ да правядзення ў Мінску саміту “нармандскай чацвёркі”.