У Белавежскай пушчы 6 сакавіка адбудзецца адкрыццё масленічнага тыдня.

          Народныя гулянні разгорнуцца на тэрыторыі музея народнага побыту і старадаўніх тэхналогій. Гасцей свята чакаюць тэатралізаванае прадстаўленне, гульнявая праграма. Рамеснікі правядуць для турыстаў майстар-класы. Таксама тут прапануюць паспрабаваць палявую кухню. З масленічнымі традыцыямі наведвальнікаў Белавежскай пушчы будуць знаёміць на працягу ўсяго тыдня. Для гасцей будуць арганізаваны экскурсіі па казачных аб'ектах, танцы, выставы-продажы. Не абыдзецца і без традыцыйнага атрыбуту Масленіцы - спальвання пудзіла зімы.