Больш за 80 000 маленькіх беларусаў аздаравіліся за апошнія 22 гады ў Іспаніі.

        Палова з іх родам з Гомельскай вобласці, найболей пацярпелай ад аварыі на Чарнобыльскай АЭС. Вынікі супрацоўніцтва, а таксама планы на гэты год абмеркавалі спецыялісты дэпартамента па гуманітарнай дзейнасці Упраўлення справамі Прэзідэнта і прадстаўнікі іспанскай Федэрацыі сацыяльнай дапамогі дзецям Беларусі. Дзякуючы супрацоўніцтву паміж краінамі за апошнія 10 гадоў у Беларусь паступіла амаль чатыры мільёны долараў у якасці бязвыплатнай дапамогі. Сродкі накіравалі на рэалізацыю праграм аздараўлення дзяцей, дапамогу малазабяспечаным беларусам і шматдзетным сем'ям.