Міні-фільм пра Мінск на Youtube набраў амаль 70 тысяч праглядаў.

Мінск

фота: www.minsk.nemiga.info

        9-хвілінны міні-фільм пра турыстычны патэнцыял Мінска #iminskyou за два тыдні на Youtube набраў амаль 70 тысяч праглядаў. Галоўная задача роліка - дапоўніць ужо існуючыя афіцыйныя кліпы пра Мінск і яго славутасці, прадэманстраваць горад, адкрыўшы дзверы яго тэатраў і музеяў, паказаць магчымасці для самага разнастайнага адпачынку. Плануецца, што ролік будзе дэманстравацца на міжнародных турыстычных выставах і ў пасольствах Беларусі па ўсім свеце, а ў Мінску - у атэлях, аэрапорце, на вакзале і ў грамадскіх зонах горада. Стваральнікі фільма разлічваюць, што прыдуманы імі хэштэг #iminskyou, якім усе жадаючыя могуць адзначаць свае фота ў інстаграме, аб'яднае людзей, якія любяць беларускую сталіцу.