www.belta.by
Прэзідэнт Беларусі Аляксандр Лукашэнка ўсклаў вянок да манумента Перамогі ў Мінску ў Дзень абаронцаў Айчыны і Узброеных сіл Беларусі. У сваім віншаванні кіраўнік дзяржавы падкрэсліў, што свята з'яўляецца сімвалам вернасці воінскаму абавязку і стойкасці беларускага народа ў барацьбе за свабоду і незалежнасць Радзімы. Паводле слоў Прэзідэнта, у цяперашняй абстаноўцы глабальнай нестабільнасці Беларусь паказвае прыклад паслядоўнай міралюбнай палітыкі пры няўхільнай рашучасці ў адстойванні сваіх нацыянальных інтарэсаў.