Беларускія малочныя прадукты ўпершыню прадстаўлены на прэстыжнай выставе ў Дубаі.

          Яна праходзіць у гэтыя дні. Адна з найбуйнейшых у свеце спецыялізаваных пляцовак сабрала больш за пяць тысяч экспанентаў са 120 краін ад Канады да Аўстраліі. Беларускія вытворцы малочнай прадукцыі аб'ядналіся ў сумесную экспазіцыю. Для іх гэта выдатная магчымасць заваяваць новыя рынкі. Бо ўсяго за пяць дзён, па падліках арганізатараў, выставу ў Дубаі наведаюць звыш за 100 тысяч чалавек. Айчынныя брэнды ўжо заявілі аб намеры значна павялічыць сваю прысутнасць на форуме ў наступным годзе.