Фота: www.mfa.gov.by
Мінскі фармат перамоў па ўрэгуляванні ўкраінскага крызісу апраўдаў сябе. Такое заяўленне зрабіў міністр замежных спраў Беларусі Уладзімір Макей. У дзень першай гадавіны заключэння мінскіх пагадненняў эксперты з краін "нармандскай чацвёркі" - Германіі, Расіі, Францыі і Украіны - сабраліся ў сталіцы Беларусі для аналізу дасягненняў, няўдач, урокаў і будучых выклікаў па выкананні мінскіх дамоўленасцей. Удзельнікі канферэнцыі маюць намер выпрацаваць канкрэтныя рэкамендацыі ўсім бакам канфлікту на ўсходзе Украіны. Чарговы раўнд перамоваў трохбаковай кантактнай групы запланаваны на 24 лютага.