Дзмітрый Мірончык
фота: www.mfa.gov.by
У сувязі з рашэннем Ізраіля аб закрыцці пасольства ў Мінску Беларусь на прынцыпах узаемнасці, таксама завяршае дзейнасці дыпмісіі ў Тэль-Авіве. Пра гэта гаворыцца ў каментарыі прэс-сакратара МЗС нашай краіны Дзмітрыя Мірончыка ў сувязі з закрыццём ізраільскага і беларускага пасольстваў у Мінску і Тэль-Авіве. Прадстаўнік беларускага знешнепалітычнага ведамства перакананы, што ізраільскі бок робіць памылку, ігнаруючы, што краіны звязваюць лёсы дзясяткаў тысяч людзей, а таксама пазітыўную дынаміку двухбаковых адносін у розных сферах. Дзмітрый Мірончык упэўнены, што падтрыманне адносін паміж Беларуссю і Ізраілем на ўзроўні пасольстваў - аб'ектыўная неабходнасць, а аднаўленне іх дзейнасці - толькі пытанне часу.