Радыё «Беларусь» працягвае конкурс сэлфі «Прывітанне, Беларусь»!

           Да нас прыходзяць не толькі фотапартрэты нашых слухачоў, але і цікавыя лісты і віншаванні з зімовымі святамі. Яраслаў Енджэйчак піша: «Сёлета спаўняецца 10 гадоў з таго моманту, як радыё «Беларусь» пачало вяшчаць па-польску. Такім чынам, я ваш слухач ўжо 10 гадоў. Калі не лічыць, што раней слухаў вяшчанне на рускай мове. Калі я падарожнічаю, то заўсёды бяру з сабой радыёпрыёмнік, каб слухаць вас там, дзе знаходжуся ў гэты момант. Калі я ўключаю радыё, кажу: «Прывітанне, Беларусь!». Нядаўна наш слухач пабываў у ЗША і прымацаваў фота з Нью-Ёрка. А мы нагадаем, што прагаласаваць за здымкі, якія вам спадабаліся, і пазнаёміцца з умовамі конкурсу можна ў спецыяльным раздзеле нашага сайта.