Каўчэг з часцінкай мошчаў апостала Андрэя Першазванага прыбудзе 8 студзеня ў Мінск.

фота: www.belta.by

        Святыню прывязуць у беларускую сталіцу з грэчаскага вострава Корфу. У 1537 годзе яе прынеслі ў мясцовы храм свяціцеля Мікалая з Іерусаліма. Па благаславенні мітрапаліта Керкірскага, Паксійскага і Дыяпантыйскіх астравоў Нектарыя яна будзе даступная для пакланення беларускім вернікам. Пакланіцца мошчам вучня Хрыстовага ў храме дабравернага князя Аляксандра Неўскага змогуць усе жадаючыя.