Брэсцкае аддзяленне Беларускай гандлёва-прамысловай палаты запрашае прадстаўнікоў дзелавых колаў наведаць выставу-кірмаш “Зялёны тыдзень” у Берліне. З 16 па 20 студзеня ў рамках найбуйнейшага ў свеце агляду дасягненняў у галіне вытворчасці харчовых тавараў і сельскай гаспадаркі экспаненты дэманструюць прадукцыю, прадстаўляюць найноўшыя распрацоўкі і тэхналогіі. Шырокая дзелавая праграма будзе спрыяць наладжванню ўзаемавыгадных кантактаў паміж вытворцамі і пакупнікамі з усяго свету, - упэўненыя ў БелГПП.
Дарэчы, у леташняй выставе “Зялёны тыдзень” прынялі ўдзел 68 краін.