фото: www.sb.by
Краіны Еўразійскага эканамічнага саюза выпрацуюць меры абароны рынку пасля пачатку дзеяння зоны свабоднага гандлю паміж Украінай і Еўрасаюзам. Гэта заявіў Прэзідэнт Беларусі Аляксандр Лукашэнка ў Маскве на пасяджэнні Вышэйшага Еўразійскага эканамічнага савета. Адпаведны дагавор пачне дзейнічаць з 1 студзеня 2016. Расія абмяркоўвала з Еўрасаюзам гэту тэму, аднак пакуль ніякіх дамоўленасцей няма. Па словах Аляксандра Лукашэнкі, прынята рашэнне, што ў пачатку года пытанне будзе вывучацца, а на працягу паўгоддзя краіны пяройдуць на электроннае дэклараванне тавараў, якія будуць перамяшчацца ў Еўразійскім эканамічным саюзе. Падобная сістэма працуе паміж Беларуссю і Расіяй. Яна можа быць ўзята за аснову ў саюзе, але магчыма, будзе выпрацаваны новы метад.