Агульнадзяржаўнай задачай у Беларусі ў наступным годзе застанецца нарошчванне золатавалютных рэзерваў.

        Пра гэта гаворыцца ва ўказе аб асноўных напрамках грашова-крэдытнай палітыкі краіны на 2016-ы. Дакумент размешчаны на сайце Нацыянальнага банка Беларусі. Асноўнай мэтай стане зніжэнне інфляцыі да 12% у снежні 2016 да аналагічнага перыяду 2015-га. Пры гэтым у курсавой палітыцы будуць імкнуцца да забеспячэння дынамікі абменнага курсу на аснове попыту і прапановы на валютным рынку.