Пра гэта заявіў прэм'ер-міністр Андрэй Кабякоў на сустрэчы з паслом Індыі ў Беларусі Панкаджам Саксенай. Беларусь традыцыйна разглядае адносіны з Індыяй як адзін з важнейшых напрамкаў знешняй палітыкі не толькі ў азіяцкім рэгіёне, але і ў сусветным маштабе. Сёлета адбыўся візіт Прэзідэнта Індыі Пранаба Мукерджы ў Беларусь. Галоўную ўвагу наша краіна надае развіццю гандлёва-эканамічнага супрацоўніцтва з Індыяй. Беларусь разлічвае на павелічэнне паставак калійных угнаенняў, прадукцыі машынабудавання на індыйскі рынак.