У бліжэйшыя дні пройдуць міжнародны форум бізнесу, стартап-канферэнцыя і біржа кансультацый. Беларуская мадэль эканамічнага развіцця прадугледжвае пастаянны рух у бок мадэрнізацыі механізмаў дзяржаўнага эканамічнага рэгулявання. Пра гэта на адкрыцці V Міжнароднага форуму прадпрымальніцтва, якім адкрыўся Сусветны тыдзень прадпрымальніцтва ў Беларусі, заявіў міністр эканомікі Беларусі Уладзімір Зіноўскі. Важным напрамкам міністр назваў рост і дыверсіфікацыю экспарту тавараў і паслуг, забеспячэнне збалансаванасці знешняга гандлю. Гэты прыярытэт прадугледжвае рэалізацыю ў поўным аб'ёме інтэграцыйнага патэнцыялу ў рамках ЕАЭС, пашырэнне гандлёва-эканамічнага супрацоўніцтва з Еўрапейскім саюзам, ЗША, Кітаем, Індыяй, умацаванне пазіцый на традыцыйных рынках і асваенне новых ніш ў краінах Лацінскай Амерыкі і Паўднёва-Усходняй Азіі, Блізкага Усходу і Афрыкі.