Размова пра гэта ішла на сустрэчы намесніка старшыні Палаты прадстаўнікоў Віктара Гумінскага з першым намеснікам старшыні парламента Тайланда Сурачаем Льенгбунлерчаем. Сустрэча адбылася ў час 133-й Асамблеі Міжпарламенцкага саюза ў Жэневе. Акрамя таго на сустрэчы абмяркоўвалася пытанне развіцця двухбаковага міжпарламенцкага супрацоўніцтва. Асаблівая ўвага нададзена пашырэнню гандлёва-эканамічнага ўзаемадзеяння, у тым ліку праз стварэнне беларуска-тайландскай міжурадавай камісіі па гандлёва-эканамічным супрацоўніцтве. Бакі дамовіліся працягваць работу па ўзаемным спрашчэнні візавага рэжыму для грамадзян дзвюх краін.