Больш як 200 твораў прадстаўлена на выстаўцы "Жыццё Карэі", якая адкрылася ў Нацыянальным мастацкім музеі. Экспазіцыя дэманструе некалькі асноўных аспектаў карэйскай культуры - сацыяльнай, бытавой, духоўнай. Яе змест прысвечаны традыцыям Карэі, культуры паўсядзённага жыцця людзей. Напрыклад, сацыяльны блок звязаны са святкаваннем нараджэння дзіцяці, з вясельнымі абрадамі. Блок матэрыяльнай культуры фарміруе ўяўленне пра побыт карэйцаў. Тэматыка выстаўкі, якая расказвае пра духоўнае жыццё, прадстаўлена мастацтвам рэлігійным і свецкім. Будыйская бронза, скульптура суседнічае з класічным карэйскім жывапісам. Дата стварэння самых старых экспанатаў - 10-14 стагоддзі.