ПАСЕ вітае адкрытасць беларускіх улад напярэдадні прэзідэнцкіх выбараў.

       Папярэдняя дэлегацыя Парламенцкай асамблеі Савета Еўропы па назіранні за выбарамі Прэзідэнта Беларусі станоўча ацаніла адкрытасць беларускіх улад напярэдадні прэзідэнцкіх выбараў, гаворыцца ў заяве дэлегацыі па выніках візіту ў нашу краіну. Па інфармацыі ПАСЕ, дэлегацыя была паінфармавана ЦВК аб розных этапах падрыхтоўкі выбараў, у тым ліку, аб парадку збору подпісаў для рэгістрацыі кандыдатаў у прэзідэнты. Таксама ў дэлегацыі звярнулі ўвагу на запэўніванні беларускіх улад аб прыняцці ўсіх неабходных мер па забеспячэнні празрыстасці выбарчага працэсу, у тым ліку, падчас галасавання і падліку галасоў.