Выканаўчы савет Дзіцячага фонду ААН зацвердзіў краінавую праграму ЮНІСЕФ для Беларусі на 2016-20 гады.

        Бюджэт новай праграмы - $ 8,5 млн. Яна накіравана на падтрымку намаганняў нашай краіны па найлепшым забеспячэнні інтарэсаў дзяцей на нацыянальным узроўні. Асаблівая ўвага нададзена пытанням падтрымкі сям'і. Праграма таксама прадугледжвае садзейнічанне ўраду з боку ЮНІСЕФ па забеспячэнні доступу дзяцей з асаблівымі патрэбамі да комплекснага медыцынскага догляду, якаснай адукацыі, псіхалагічнай і сацыяльнай дапамогі. Пастаянны прадстаўнік Беларусі пры ААН Андрэй Дапкюнас высока ацаніў новую краінавую праграму. Ён таксама адзначыў, што Беларусь адкрыта для супрацоўніцтва па забеспячэнні правоў дзяцей з усімі партнёрамі як на нацыянальным, так і на міжнародным узроўнях.