Старшыня Палаты прадстаўнікоў Уладзімір Андрэйчанка высока ацэньвае міжпарламенцкае ўзаемадзеянне Беларусі і В'етнама.

       Аб гэтым ён заявіў ў час сустрэчы з Надзвычайным і Паўнамоцным Паслом В'етнама ў Беларусі До Ван Маем з нагоды завяршэння яго дыпламатычнай місіі. Паводле слоў спікера, двухбаковае супрацоўніцтва ажыццяўляецца шляхам абмену візітамі на ўзроўні кіраўнікоў парламентаў, камісій і рабочых груп, а таксама ўзаемадзеяння ў міжнародных арганізацыях. Уладзімір Андрэйчанка таксама выказаў упэўненасць у далейшым умацаванні гандлёва-эканамічнага супрацоўніцтва дзвюх краін, асабліва з улікам работы Еўразійскага эканамічнага саюза. Спікер нагадаў, што ў бягучым годзе было падпісана пагадненне паміж ЕАЭС і В'етнамам аб стварэнні зоны свабоднага гандлю.