Беларуска-славенская міжурадавая камісія па гандлёва-эканамічным і навукова-тэхнічным супрацоўніцтве з'яўляецца важным механізмам развіцця кантактаў паміж дзвюма дзяржавамі. Такое меркаванне выказала намеснік міністра замежных спраў Беларусі Алена Купчына напярэдадні перагавораў з генеральным дырэктарам МЗС па эканамічнай дыпламатыі Станіславам Рашчанам.
Пасяджэнні сумеснай камісіі праводзяцца на рэгулярнай аснове з 2011 года і даюць істотны вынік, паколькі супрацоўніцтва паміж Беларуссю і Славеніяй дынамічна пашыраецца, адзначыла Алена Купчына.