Ноч музеяў у Арт-цэнтры Марка Шагала ў Віцебску пройдзе пад знакам 100-годдзя яго вяселля з Бэлай Розенфельд. Арганізатары падрыхтавалі да 16 мая рамантычны музычны вечар, падчас якога будуць гучаць вершы “сярэбранага веку” і жывая музыка, пакажуць танцы той эпохі. Госці змогуць таксама агледзець экспазіцыю Арт-цэнтра.
Тэма шлюбу знакамітага майстра пэндзля Марка Шагала будзе прадоўжана ў Віцебску непасрэдна ў сотую гадавіну яго вяселля. На 24-26 ліпеня запланавана мноства перфомансаў і акцый.