Чэмпіянат Еўропы сярод вабільшчыкаў аленя ўпершыню пройдзе ў Белавежскай пушчы.

        Сямнаццатыя па ліку міжнародныя спаборніцтвы адбудуцца напрыканцы мая.
Выступленне прафесійнага імітатара голасу высакароднага аленя доўжыцца каля хвіліны, але гэта сапраўднае шоў. Для імітацыі рову дзікага звера выкарыстоўваюцца розныя прыстасаванні, у тым ліку ракавіны малюскаў, рогі быка, засушаныя ствалы баршчэўніка. Журы ацэньвае натуральнасць і моц гуку.
Дарэчы, туры на аленя ўваходзяць у спіс традыцыйных маршрутаў нацыянальнага парку “Белавежская пушча”. Яны арганізуюцца ў пачатку восені, калі ў высакародных аленяў пачынаецца шлюбная пара.