З Брэста і адначасова з Мурманска стартавала эстафета ў гонар 70-годдзя Вялікай Перамогі. Акцыя пройдзе па тэрыторыі дзевяці дзяржаў, працягласць маршруту - звыш 60 тысяч кіламетраў. У горадзе над Бугам старт акцыі быў дадзены ў Брэсцкай крэпасці. Хутка да акцыі далучыцца Пінскі пагранатрад. На шляху руху пройдуць ваенна-патрыятычныя мерапрыемствы, мітынгі, ўскладанне вянкоў і кветак у месцах вайсковай славы. Сустрэча беларускіх і расійскіх пагранічнікаў адбудзецца на стыку граніц Беларусі, Расіі і Латвіі. А завершыцца ўрачысты прабег на Паклоннай гары ў Маскве.