Дні беларускай культуры працягваюцца ў Літве. Напярэдадні культурныя мерапрыемствы завяршыліся для літоўскага горада Вісагінас. 23 кастрычніка Дні культуры працягнуцца ў Каўнасе мюзіклам Беларускага дзяржаўнага акадэмічнага музычнага тэатра "Вестсайдская гісторыя". Урачыстае закрыццё Дзён культуры Беларусі ў Літве адбудзецца 30 кастрычніка спектаклем "Бахчысарайскі фантан" у Літоўскім нацыянальным тэатры оперы і балета, усе квіткі на які былі распрададзеныя яшчэ ў жніўні.