Беларуска-расійскія творчыя сустрэчы адбудуцца 16 кастрычніка ў Маскве, паведаміў міністр культуры Беларусі Павел Латушка. На творчых сустрэчах выступяць маладыя салісты оперы Вялікага тэатра Беларусі і Вялікага тэатра Расіі. Міністр адзначыў, што прыярытэтам дзяржаўнай культурнай палітыкі застаецца развіццё і ўмацаванне міжнароднага супрацоўніцтва ў сферы культуры з зацікаўленымі партнёрамі. На працягу гэтага года арганізаваны Дні культуры Беларусі ў Катары, Туркменістане, Санкт-Пецярбургу, беларуска-расійскія творчыя сустрэчы ў Мінску і Дні культуры Катара ў Беларусі.