Прэзідэнт Беларусі Аляксандр Лукашэнка лічыць дыверсіфікацыю экспарту адным з галоўных спосабаў паспяховага пераадолення магчымай новай хвалі сусветнага крызісу. Такое меркаванне кіраўнік дзяржавы выказаў у інтэрв'ю міждзяржаўнай тэлерадыёкампаніі "Мір". Як адзначыў беларускі лідар, пастаўлена задача актыўна працаваць на розных рынках, іх трэба пастаянна дыверсіфікаваць. Па словах кіраўніка дзяржавы, Беларусь імкнецца развіваць узаемавыгадныя адносіны з краінамі розных рэгіёнаў свету, у тым ліку Азіі, Лацінскай Амерыкі, Афрыкі.