У Беларусі адкрыўся італьянскі фонд культуры і развіцця "Foedus"

       У Беларусі адкрыўся італьянскі фонд культуры і развіцця "Foedus", паведамляе БЕЛТА. Па словах прэзідэнта кампаніі "Foedus Foundation" Марыа Бачыні, у Мінску ёсць ідэальныя ўмовы, каб ўвасобіць у жыццё асноўныя прынцыпы кампаніі. Адбылося падпісанне сумесных праектаў, а таксама ўласных інвестыцыйных праграм. Сярод дакументаў - пагадненне аб стварэнні сумеснага прадпрыемства па арганізацыі поўнага цыкла вытворчасці ў Беларусі станкоў, мемарандум аб падрыхтоўцы канцэсійных дагавораў на распрацоўку радовішча граніту ў Беларусі, мемарандум аб стварэнні сумеснага прадпрыемства па рэалізацыі экалагічных праграм.