Колькасць працоўных мігрантаў у Брэсцкай вобласці павялічылася ў студзені-ліпені ўдвая, аб гэтым паведаміў кіраўнік упраўлення па грамадзянстве і міграцыі УУС Брэсцкага аблвыканкама Аляксандр Тамашоў. З яго словаў ад пачатку года ўпраўленне выдала больш за 2000 спецыяльных дазволаў на права працаўладкавання замежным грамадзянам. Тэндэнцыю ў многім вызначыў прыток працоўных мігрантаў з рэгіёнаў Украіны. Па словах кіраўніка упраўлення, у абласную службу па грамадзянстве і міграцыі звярнуліся болшь за 1000 грамадзян Украіны, у тым ліку трое – па пытанні атрымання статусу бежанцаў. Дазвол на пастаяннае пражыванне атрымалі 60 украінцаў, 103 – на часовае прабыванне, астатнія зарэгістраваныя ў органах унутраных спраў па месцы жыхарства.