Першы міжнародны суднаходны фестываль "З варагаў у грэкі" пройдзе ў Гродзенскай вобласці.

       Першы міжнародны суднаходны фестываль раннесярэднявечнай культуры "З варагаў у грэкі" пройдзе ў Гродзенскай вобласці 21-27 верасня, - паведамляе БЕЛТА. Фестываль пройдзе ў фармаце шматдзённай лодачнай экспедыцыі. Удзел у ёй прымуць "сярэднявечныя" караблі, адноўленыя па гістарычных данных. Напрыклад, беларуская каманда прадставіць гледачам карабель "Яцвяг". Па шляху экспедыцыі прадугледжаны прыпынкі варажскага флоту ў прыбярэжных населеных пунктах.