Беларусь і Польшча абмеркавалі актуальны стан і перспектывы развіцця двухбаковых адносін.

      Беларусь і Польшча на кансультацыях паміж міністэрствамі замежных спраў абмеркавалі актуальны стан і перспектывы развіцця двухбаковых адносін, паведамляе БЕЛТА. З беларускага боку перагаворы ўзначаліў начальнік упраўлення Еўропы МЗС Валерый Курдзюкоў, з польскага - выконваючы абавязкі дырэктара ўсходняга дэпартамента Міністэрства замежных спраў Конрад Паўлік. У кансультацыях прынялі ўдзел прадстаўнікі консульскіх упраўленняў і дэпартаментаў знешнеэканамічнага супрацоўніцтва знешнепалітычных ведамстваў Беларусі і Польшчы. Польскую дэлегацыю таксама прыняла намеснік міністра замежных спраў Беларусі Алена Купчына.